SA ASAP '09

Noong nakaraang pebrero (hindi ko na matandaan ang saktong petsa pero birthday daw yun ni Anne Curtis) ay nanggaling kami sa ASAP'09. At syempre hindi para maging isang studio audience lamang, kundi isang kinatawan ng Greenwich at dahil hindi ko naman talaga ginusto na mapasama ako dito sapagkat hindi naman ako masyadong nanunuod ng mga palabas sa ABS-CBN pero napilitan lamang ako sa kadahilanang ang lahat lamang ng mga pinapadala sa ABS-CBN na mga crew ay piling-pili at dapat syempre gwapo; hindi ko lang talaga maitago ang aking gwapong mukhang ito at naawa na din ako sa mga marketing manager namin na kulang na lang ay lumuhod sa aking harapan sa kakapilit sa akin at syempre mabait ako kaya pinagbigyan ko na din... (lolz)
Ang dahilan kaya nga pala kami ay naparuon ay para mag-e-endorse si Anne Curtis, Mariel, Isah at ako ng aming mas pinasarap na "Greenwich Lasagna".

Kaya naman kinailangan ko pa tumayo ng ala-sais nang umaga (na parang oras ng gising ko pag may pasok ako sa STI) para imulat ang mata, tingnan ang napaka gandang litrato ng aking napaka bait na idol sa computer, tingnan ang aking cp at e-mail acct. ko kung may mga bagong msgs., maginat-inat sandali, magsipilyo at uminom ng mainit-lamig na kapiltas (kape+milo+gatas) sabay kagat ng matigas-tigas but crunchy na toasted bread with surgar and butter on top; ay kinakailangan ko pang maligo ng 15mins. at mag-ayos ng 10mins. para lamang makaalis ako agad at hindi malate sa aking trabaho.

Ngunit katulad nang aking inaasahan ako ay late na naman...
nakita kong umuusok na ang tenga nang aking butihing manager na si mam rhed
(na kung minsan ay masungit!!!)

(oh di ba??? mukha namang mabait???)

at ganito ang aming napag-usapan...

kenneth: "Goooood Moooorning!!!"(katono ng comercial ng Lucky me)

mam rhed: "Anung maganda sa umaga kung late ka nanaman!!! lagi ka na lang late!!! Ala-sais ang usapan natin! pero anung oras na! Ala-syete pasado na!!! bilisan mo at gawin mo na ang dapat mong gawin!!!"( malumanay ngunit pasigaw na galit nyang sinabi)

(ganito naman lagi ang aming senaryo twing umaga... at ako naman talaga ang may kasalanan...
ngunit dahil ako ay underage pa lamang ako ay kanilang pinagbibigyan... na malamang sa ngayon ay kanilang pinagsisisihan na ko'y kanilang tinanggap pa...)

At katulad nang napagusapan bago pa man kami pumunta doon ay syempre kailangan namin ng mga Lasagna Pans na ihahain at ipapakita sa t.v. At dahil maarte at ako ang may pinaka magandang at pinaka masarap gumawa ng Lasagna Pans ako na ang gumawa nito.
Kaya naman dumaan ulit ito sa aking masusi at maselang proseso nang paggawa, at kahit mainit at inaantok pa ay aking pinilit na ngumiti't maging masaya habang ginagawa ito para maging masarap!

Alas-onse nang kami ay dumating na sa ABS-CBN studio 10 para magset-up, kasunod ay dumating naman ang aming mga marketing manager's at area manager na tuwang-tuwa at naroon ako kahit pawisan at amo'y lasagna na! at dahil sinabi ko na hindi kakayanin ng powers ko na mag-isa lamang na magserve sa mga humigi't kumulang na 200 katao ako ay humingi na ng tulong sa aking mga managers na kung pwede ay bigyan nila ako ng makakatulong...
At dahil hindi sila prepared at agad-agad silang kumuha ng mga aking makakatulong ay kahit sino na lamang na magaling ang kanilang kinuha...

at heto sila kasama ko...

Ang dalawang baklang ito ang aking naging katulong.

At marahil, siguro, maybe sila ay ABS-CBN viewers kaya naman sila ay tuwang-tuwa nang sila'y dumating....
At dahil sa sobrang tuwa nila, sa tuwing nakakakita sila nang mga artista sila ay napapatili...
na bagay naman na ikinagalit ng aking mga managers...
kaya naman matapos ang litratong ito...


ay hindi na sila pinayagan pang gumala, magsalita at magpapicture sa mga artista na nasa asap...

At makalipas ang ilang oras ay nagpaalam na kami sa aming mga managers....,
dahil tapos na din naman ang show.
At habang kami ay nagpapaalam ay sinabihan ako ng isang marketing manager namin na si mam jV (pasensya na po wala po akong mapapakita na picture ni mam jV) na kung pwede daw ay pumayag na daw ulit ako sasusunod pang boothing dito sa ASAP, same time, same place but different date.